Main » 2011»November»5 » Bërnjak: Ngrenë barrikadën 5 metra të lartë
2:54 AM
Bërnjak: Ngrenë barrikadën 5 metra të lartë
4 nëntor – Serbë nga veriu i Kosovës sot rreth orës 16:30 kanë përfunduar me përforcimin e barrikadës rreth 5 metra të lartë, që e kanë vendosur te pikalimi kufitar Bërnjak, në rrugën Zubin Potok – Ribariq, nga ana e territorit serb.
Barrikada është vendosur vetëm disa metra nga vendi ku gjendej barrikada e mëparshme, të cilën KFOR-i e largoi sot.
Ministri i qeverisë serbe, Goran Bogdanoviq demantoi pohimet e zëdhënësit të KFOR-it, Uwe Nowitzki, i cili ka thënë se institucionet serbe kanë qenë të koordinuara me KFOR-in dhe se kanë ditur për aksionin e sotëm të heqjes së barrikadës në Bërnjak.
"Askush nga KFOR-i nuk ka kontaktuar me institucionet e Serbisë lidhur me këtë”, tha Bogdanoviq për agjencinë serbe të lajmeve Tanjug, duke e vlerësuar jo korrekte deklaratën e Nowitzkit.
