Lunacek, e cila është duke e përgatitur raportin për Kosovën për Parlamentin Evropian, u interesua në veçanti për sfidat e dialogut teknik, si dhe rrugët që mund të çojnë deri tek rezultatet më të mira të këtij dialogu.

Zëvendëskryeministrja Tahiri nga ana e saj foli për përkushtimin e Qeverisë së Kosovës, për fqinjësi të mirë dhe bashkëpunime rajonale si standarde për integrime evropiane, dhe poashtu vlerësoi performancën e lartë dhe konstruktive të Kosovës në dialogun teknik me Serbinë, dhe kontributin e dhënë për suksesin e këtij dialogu, në të mirë të qytetarëve.

Tahiri kërkoi që Kosova të shpërblehet për konstruktivitetin në këtë dialog, duke marrë marrëdhëniet kontraktuale me Bashkimin Evropian, me ç’rast veçmas potencoi se duhet të gjendet konsensus në mesin e BE-së, për të mbështetur progresin e Kosovës drejt BE-së.