Brazilia, 28 tetor - Shqipëria dhe Brazili firmosin heqjen e vizave në
50 vjetorin e vendosjes së marrëdhënieve diplomatike mes dy vendeve.
Marrëveshja
e heqjes së vizave është firmosur nga vetë ministri i Jashtëm Edmond
Haxhinasto i cili me ftesë të homologu i tij, ambasador Antonio de
Aguiar Patriota, po zhvillon një vizitë tre ditore në Brazil.
Gjithashtu
mes dy shteteve u firmosën dhe marrëveshja e bashkëpunimit midis dy
Ministrive të Jashtme, memorandum mirëkuptimi midis dy Akademive
Diplomatike për bashkëpunim reciprok dhe trajnim të diplomatëve, si dhe
memorandumin për bashkëpunimin ekonomik.
Gjatë takimit me
ministrin e Punëve të Jashtme të Brazilit, Ambasador Antonio de Aguiar
Patriota u diskutua edhe mbi marrëdhëniet dypalëshe, bashkëpunimin në
kuadër të organizatave shumëpalëshe, zhvillimet globale dhe në rajonin e
Ballkanit.
Para takimit zyrtar, Ministri Haxhinasto dhe z. Patriota nënshkruan katër marrëveshjet dhe memorandumet.
Ministri
Haxhinasto vlerësoi marrëdhëniet midis dy vendeve dhe nënvizoi se kjo
vizitë, e cila kryhet në 50 vjetorin e vendosjes së marrëdhënieve
diplomatike, përbën një moment historik për një dinamikë të re në
marrëdhëniet midis dy vendeve.
"Kjo demonstrohet më së miri nga
nënshkrimi i katër dokumenteve, të cilat përbëjnë një bazë të fuqishme
për forcimin dhe intensifikimin e marrëdhënieve dy dhe shumëpalëshe
midis dy vendeve tona”- nënvizoi Haxhinasto, informon zyra e shtypit
pranë ministrisë së Jashtme.
Ministri Haxhinasto ftoi biznesin
brazilian të investojë dhe shtoi se bashkëpunimi ekonomik duhet të
shtrihet në fusha të tilla si turizëm, energji, infrastrukturë, burime
natyrore, etj.
Nga ana e tij, Ministri Patriota u shpreh se ky
është një moment historik, ndërsa marrëdhëniet midis dy vendeve po
zhvillohen me shpejtësi. Këtë gjë e provon më së miri hapja e ambasadave
respektive.
"Dy vendet tona, tha ai, duhet të kapin kohën e
humbur ne marrëdhëniet dypalëshe dhe bashkëpunimi ekonomik është nje
drejtim mjaft i rëndësishëm që duhet të zhvillohet me shpejtësi.”
Në
vazhdim, Haxhinasto, duke iu referuar Kosovës tha se pavarësia e saj ka
forcuar stabilitetin, sigurinë dhe prosperitetin në gjithë rajonin e
Ballkanit. Kosova duhet të jetë, tha ai, një çështje që të afrojë më
tepër vendet e rajonit dhe jo një çështje ndarjeje. Z. Patriota tha se
vlerëson se tepërmi integrimin dhe bashkëpunimin midis vendeve të
rajonit tonë dhe përshëndeti faktin që të gjitha këto vende po lëvizin
në të njëjtin drejtim, gjë e cila do të sjellë ndryshim të rëndësishëm
në rajon e më gjerë. Zv/kryeministri dhe ministri i Punëve të Jashtme,
Haxhinasto, vazhdon vizitën në Brazil me Forumin e biznesit
shqiptaro-brazilian, i cili do të mbahet në Sao Paolo.
Brazilia, 28 tetor - Shqipëria dhe Brazili firmosin heqjen e vizave në
50 vjetorin e vendosjes së marrëdhënieve diplomatike mes dy vendeve. 
