Përveç se për përgatitjen e pijes së preferuar, kafenë mund ta përdorni edhe për pastrimin e banesës.
Dihet
që kafeja është e dobishme për flokët dhe lëkurën, por përveç kësaj ajo
në mënyrë të shkëlqyeshme mund të shërbejë edhe si mjet për pastrim ose
freskues i hapësirës.
• Kafenë mund ta përdorni në vend të
mjeteve abrazive për pastrim për të fërkuar: tenxheret dhe tiganët,
lavamanin, skarën ose tiganin elektrik. Shmangni vetëm sipërfaqet që
janë poroze për të shmangur njollat ngjyrë kafe.
• Aroma e
këndshme e kafesë, të cilën keni qejf ta shijoni në mëngjes, mund të
përdoret si freskuese e hapësirës. Një filxhan i kafesë së zier do të
mbushë me aromë tërë hapësirën, ndërsa pak kafe e bluar në kavanoz do të
mbërrijë të thithë aromat e pakëndshme nga frigoriferi ose frizi. Po
ashtu, kafenë mund ta përdorni edhe si deodorant në automobil.
• Qitni pak kafe në taketuke dhe aroma e bishtave të cigareve do të jetë shumë më e dobët.
• Kaminin ose stufën e druve mund ta pastroni shkëlqyeshëm me kafe.
• Pas përgatitjes së peshkut ose grirjes së hudhrës fërkoni duart me kafe dhe aroma e pakëndshme do të zhduket.
• Nëse keni buburreca në shtëpi derdhni kafe në vendin ku grumbullohen, sepse aroma e saj i largon.
• Me kafe mund të ngjyrosni pëlhurën ose letrën në ngjyrë kafe.
• Me kafe të fortë mund t’i mbuloni gërvishtjet në mobiliet ngjyrë të mbyllët.
•
Kur të mbaroni me pastrimin e shtëpisë përdorni kafenë që të
rregulloheni edhe ju vetë. Nëse flokët i spërkatni me kafe para larjes,
do të jenë më të butë dhe më të shkëlqyeshëm, ndërsa kokrrat e imëta të
kafesë mund të jenë piling i shkëlqyeshëm për fytyrë.
