Main » 2011»November»9 » PD: Rama po falsifikon votat e 1500 delegatëve socialist
9:53 AM
PD: Rama po falsifikon votat e 1500 delegatëve socialist
Përmes një deklarate, PD tha se nuk ka ndodhur që numërimi i votave të delegatëve të vijojë për 72 orë rresht sic po ndodh në kongresin e Ramës
Partia Demokratike permes nje deklarate per shtyp deklaroi sot se "sapo u mbushën 72 orë nga përfundimi i votimit të 1500 delegatëve të klonuar të Partisë Socialiste, dhe akoma rezultati nuk bëhet i njohur, pasi po përpunohet në fabrikën e falsifikimit të Edi Ramës”.
"Asnjëherë më pare, në historinë e këtij vendi”, thuhet në deklaratën e PD-së. "nuk ka ndodhur që numërimi i votave të 1500 delegatëve të vijojë për 72 orë rresht sic po ndodh në kongresin e Edi Ramës. Kjo dëshmon qartë se ky është një proces falsifikimi dhe manipulimi dhe jo një proces numërimi”.
Sipas deklarates se Partise Demokratike, njeriu që disa kohë më parë bërtiste 3 herë në ditë, për zgjatjen e procesit të numërimit të 1 milion e 600 mijë votuesve shqiptarë për zgjedhjet e 8 majit, vijon të zgjasë me 72 orë, numërimin e votave të 1500 delegatëve të klonuar të kongresit të tij, dhe kjo vetëm e vetëm që të arrijë klonimin në funksion të karriges së tij, të Asamblesë së ardhshme të kësaj partie”, perfundon deklarata e selise blu.
