Lojë e krisur i ka quajtur Qeveria e Kosovës veprimet e serbëve të veriut të Kosovës që kanë lejuar vetëm KFOR-in të qarkullojë në veri.

Pas mbledhjes së Qeverisë, zëvendëskryeministri Hajredin Kuçi ka deklaruar se kjo është e papranueshme për institucionet e Kosovës, njofton KTV. Sipas tij, rrugët e barrikaduara e të bllokuara në veri do të lirohen për të gjithë.

Kuçi ka theksuar se as KFOR-i dhe as institucionet e Kosovës nuk i pranojnë këto kushte të serbëve ilegalë të veriut. Ai ka folur edhe për bisedimet Kosovë-Serbi duke thënë se Kosova nuk e lut Serbinë që të hyjë në dialog, por është e përgjegjshme që t’i respektojë marrëveshjet që arrin me BE-në SHBA-në nga procesi i dialogut.