Main » 2011»October»31 » Gjenerali Enver Cikaqi vizitoi Akademinë Ushtarake të Italisë
8:39 PM
Gjenerali Enver Cikaqi vizitoi Akademinë Ushtarake të Italisë
Prishtinë, 31 tetor - Komandanti i Komandës së Doktrinës dhe Stërvitjes(KDS) të Forcës së Sigurisë së Kosovës, gjeneral brigade Enver Cikaqi me bashkëpunëtorë, nga data 25-29 tetor 2011, vizitoi Akademinë ushtarake -Modena në Itali. Gjeneral Cikaqi është pritur nga Komandanti i Akademisë Ushtarake në Modena Gjeneralmajor Diell Casalli. Së bashku ata bënë një vizitë klasave ku zhvillohej mësimi nga kadetët e kësaj akademie, si dhe diskutuan për mundësinë e shkollimit të kadetëve të FSK-së, në këtë Akademi.
Delegacioni i oficerëve nga KDS-ja gjatë qëndrimit vizitoi Qendrat e Stërvitjes, kurset që zhvillohen aty, dhe u njoftua me metodikat e punës, manualet dhe Proceduarat Standarde Operative (PSO) të Kurseve, si edhe në përgjithësi organizimin e jetës së brendshme në Akademinë ushtarake –Modena.
Po ashtu ata i bënë një vizitë edhe Museut Ushtarak të Akademisë së Modena-s, në Itali.
