Arsenali ka shënuar fitore të ëndërrave kundër Chelseat pasi e mposhti atë midis Stamfford Bridges me rezultat 3-5 duke i treguar të gjithëve se Arsenali i vjetër po rikthehet dhe shpirti i këtij klubi është më fitues se kurrë.

Në fillim të takimit Arsenali ishte dominues ku pati disa raste të mira për shnënim. Vlen të përmendet rasti që e kishte Gervinho ku pas një depërtimi fantastik të Walcott në krahun e djathtë i cili pason deri te Gervinho që nuk arriti të shënoj gol në portën e zbrazët.

Më pas në minutën e 14 Mata harkon deri te Lampard i cili shënon me kokë për të kaluar klubin e tij në epërsi. Edhe pas këtij goli të pranuar Arsenali bëri presion anormal të portën e Cech duke mos e lënë Chelsean të ketë asnjë rast të mirë për shënim.

Në minutën e 36 pas një aksioni perfekt Gervinho pason deri te Robin Van Persie i cili shënon në portën e zbrazët për të barazuar rezultatin.

Sidoqoftë, Chelsea kaloi përsëri në epërsi ku pas një harkimi të Lampard nga korneri, John Terry shënon pas një gabimi të mbrojtjes së Arsenalit.

Arsenali u rikthyer përsëri në lojë ku katër minuta pas fillimit të pjesës së dytë, Andre Santos shënon për të barazuar rezultatin.

Gunners kaluan për herë të parë në epërsi në këtë takim pasiqë në minutën e 58 Theo Walcott shënon për 3-2 dhe për gëzimin e madh të fansave të Arsenalit.

Këtë gëzim e ndali, Juan Manuel Mata i cili në minutën e 81 shënon për të barazuar rezultatin dhe për t’i dhënë shpresë Bluve për një fitore eventuale në këtë takim.

Arsenali tregoi shumë mirë që në fillim se këtu nuk ka arrdhur për tu dorëzuar ose për të luajtur një lojë të dobët.

Shpirti luftarak i Gunners në këtë takim nuk u dorëzua kurrë dhe në minutën e 85 sulmuesi holandez edhe një herë del të jetë njeriu kryesor për Topçinjtë pasi në minutën e 85 shënon për t’i rikthyer klubit të tij epërsinë.

Në fund të takimit Robin Van Persie shënon edhe një gol për të kompletuar hettrikun e tij në këtë takim dhe padyshim për të vulosur fitoren e madhe dhe ndoshta të paharrueshme të Arsenalit në këtë takim, 3-5.

Me këtë fitore, Gunners arrijnë në vendin e pestë me plotë 16 pikë të tubuara aq sa ka edhe Tottenhami që është në këtë vend, ndërsa Chelsea mbetet në kuotën e 19 pikëve.