Portieri i Barcelonës është gati të arrijë një shifër rekorde pasi momentalisht nuk ka pranuar gol për 787 minuta.

Ai është vetëm 37 minuta larg për të thyer rekordin e Miguel Reinës për Barcelonën pasi ka shkuar tetë ndeshje pa asnjë gol të pranuar.

Me fitoren kundër Mallorcas me rezultat 5-0 Valdes ka kompletuar plotë 787 minuta pa pranuar gol.

Miguel Reina, përndryshe babai i portierit të Liverpoolit, Pepe Reinës nuk ka pranuar gol me fanellën e Barcës për 824 minuta.

Nëse Valdes nuk pranon gol në 37 minutat e para në ndeshjen kundër Plzen atëherë ai do të thyej rekordin e Reinas.

Valdes nuk ka pranuar gol në këtë sezon në këto ndeshje: kundër Atletico Madridit, Gijonit, Santanderit, Sevillës, Granadës dhe Mallorcës dhe në dy ndeshje të Ligës së Kampionëve, kundër Plzen dhe Bate Borisov.